सुर्खेत । कर्णाली प्रदेशको राजधानी सुर्खेतमा एक महिनादेखि बन्द सुर्खेत विमान स्थल पुनः आजदेखि सञ्चालनमा आउने भएको छ । धावनमार्ग मर्मतको काम सकिएपछि आज मंगलवार देखि विमानस्थल सञ्चालन गर्न लागिएको हो । मंसिर १० गतेदेखि विमानस्थल मर्मतको काम थालिएको थियो ।
विमानस्थल सञ्चालन हुने भएपछि मंगलवारका लागि वायुसेवा कम्पनीहरूले काठमाडौं(सुर्खेत टिकट बिक्री खुला गरेका छन् । बुद्ध एयरले सुर्खेत(काठमाडौं नियमित उडान गर्दै आएको छ । बुद्धले योबीचमा सुर्खेतको विकल्पमा नेपालगन्जमा एक उडान थपेको थियो । नेपालगञ्जमा दैनिक विमानस्थलको धावनमार्ग मर्मतको काम सकियो पाँच उडान गरिरहेको कम्पनीले सुर्खेत विमानस्थल बन्द रहेका बेला दैनिक ६ उडान गर्थ्यो ।
धावनमार्ग मर्मतको समयमा पनि सुर्खेत विमानस्थलमा हेलिकोप्टरको उडान भने नियमित भइरहेको थियो । नागरिक उड्डयन कार्यालय सुर्खेतका अनुसार विमानस्थलमा धावनमार्ग ओभरले गर्ने काम सम्पन्न भएको छ ।
दर्शन खबर । ६ पुष २०७८, मंगलवार