बजेटले कर्णालीलाई उचित सम्बोधन गरेको छ –राज्यमन्त्रि रावत

सुर्खेत, १६ जेठ ।
स्वास्थ्य तथा जनसंख्या राज्यमन्त्रि नवराज रावतले संघीय सरकारले प्रस्तुत गरेको आगामी बर्षको बजेट मार्फत कर्णालीलाई उचित सम्बोधन गरेको बताएका छन् ।
बिहीबार संघीय संसदमा प्रस्तुत गरिएको बजेटबारे प्रतिक्रिया दिँदै राज्यमन्त्रि रावतले आगामी आ.ब.को बजेट कर्णाली मैत्री भएको बताए । साथै समग्रमा बजेटले स्वास्थ्य, शिक्षा र कृषिलाई प्राथमिकता दिएको बताए । ‘आगामी आ.ब.को बजेटले कर्णालीलाई उचित सम्बोधन गरेको छ’, नेपाल दर्शनसंगको कुराकानीमा उनले भने,‘कोभिड लगायत संक्रामक रोग नियन्त्रण सहित स्वास्थ्यलाई पहिलो प्राथमिकता तथा कृषि उत्पादन, खाद्य आपूर्ति, रोजगारीमा केन्द्रित छ ।’ सरकारमा सहभागी मन्त्री, संघीय सांसदका प्रतिनिधि र प्रदेश सरकार लगायत सबैको पहलबाट कर्णाली प्रदेशका योजनाहरुले प्राथमिकता पाएको बताउँदै उनले अब यसको कार्यान्वयनमा ध्यानदिनुपर्ने बताए ।
संघीय सरकारको तर्फबाट अर्थ मन्त्री डा. युवराज खतिवडाले प्रस्तुत गरेको बजेटमा समेटेका कर्णाली प्रदेशका मुख्य योजनाहरु निम्नानुसार छन् ः
 कर्णाली कोरिडोर निर्माण
 भेरी कोरिडोर निर्माण
 सुर्खेत कोहलपुर सडक चार लेन
 राप्ती राजमार्ग स्तरोन्नति
 सुर्खेत जुम्ला राजमार्ग स्तरोन्नति,
 सुर्खेत दैलेख सडक स्तरोन्ती
 नाग्मा गमगढी नाग्चेलाग्न सडक स्तरोन्नती
 गमगडी रारा सडक निर्माण
 हुम्ला सदरमुकामसम्म एक बर्षमा सडक पु¥याउने
 सुर्खेतको विमानस्थललाई प्रादेशिक विमानस्थलका रुपमा स्तरोन्नति
 प्रदेश राजधानी वीरेन्द्रनगर खानेपानी
 सरुवा रोग अस्पताल योजना
 भेरी बबई बहु–उद्धेश्यीय परियोजना
 सुर्खेतका बाढी पीडितहरुलाई सुरक्षित आवास
 जगदुल्ला र नलगाड विद्युत आयोजना
 कर्णाली भेरी लिफ्ट खानेपानी
 कर्णाली नदी तथा जलाधार संरक्षण
 जडीबुटी उत्पादन तथा प्रशोधन विशेष कार्यक्रम
 सुर्खेतमा बहुमूल्य पत्थर प्रशोधन उद्योग
 रारा ताल क्षेत्र दीर्घकालीन विकास योजना
 एक प्रदेश एक पर्यटकीय गन्तब्य
 कर्णाली बाल संरक्षण कार्यक्रम
 कवर्ड हलसहित खेलकुद पूर्वाधार विकास
 उच्च पर्वतीय खेलकुद तालिम केन्द्र स्थापना
 हुम्ला यारी नाका व्यवस्थापन
 विधि विज्ञान प्रयोगशाला स्थापना
 काँक्रेबिहारको धार्मिक विकास