बाँके : जानकी गाउँपालिकामा झाडाबान्ताका कारण एकजनाको मृत्यु भएको छ।
जानकी गाउँपालिका–५ बेलहरीका ३४ वर्षीय होली तेलीको मृत्यु भएको स्वास्थ्य कार्यालयका सूचना अधिकारी नरेश श्रेष्ठले जानकारी दिए।
‘परीक्षणमा हैजाको जीवाणु देखिएको छैन, खानेपानी प्रशस्त नखाएको र समयमा उपचार नभएकाले मृत्यु भएको हुनसक्ने अनुमान गरीएकाे छ । जानकीमा अन्य तीनजना झाडाबान्ताका बिरामी भेटिएका छन्।
तीमध्ये एकजनाको भेरी अस्पताल र अर्का एकजनाको स्थानीय स्वास्थ्यचौकीमा उपचार भइरहेको छ।
एकजना भने उपचारपछि घर फर्केका छन्। यसअघि जिल्लाको नरैनापुरमा विभिन्न समयमा झाडाबान्ता र अन्य स्वास्थ्य समस्याका कारण पाँचजनाको मृत्यु भएको अधिकारी श्रेठले बताए।
दर्शन खबर । २३ भाद्र २०८१, आईतवार