सल्यान । भीरबाट लडेर सल्यानमा एक वृद्धाको मृत्यु भएको छ । छत्रेश्वरी गाउँपालिका-२ गुराँसे घर भएकी ७४ वर्षीया रेतीदेवी कामीको घर नजिकैको भीरबाट लडेर मृत्यु भएको हो ।
छोरीको घरमा बसेकी वृद्धा दही लिन जाने क्रममा बाटोमा चिप्लिएर लडेकी र घटनास्थलमै उनको मृत्यु भएको जिल्ला प्रहरी कार्यालय सल्यानका सूचना अधिकारी प्रनि रेशमबहादुर खत्रीले बताए ।
उनका अनुसार वृद्धा सडकदेखि १ सय ५० मिटर तल खोचमा खसेकी थिइन् । वर्षाको भेलले बगाएर ल्याएको ढुंगामाटोले आधा शरीर पुरिएको अवस्थामा वृद्धाको शव भेटिएको खत्रीले जानकारी गराए । कामीको शव पोष्टमार्टमको लागि जिल्ला अस्पताल सल्यानमा ल्याइएको उनको भनाइ छ ।
दर्शन खबर । २२ भाद्र २०८१, शनिबार