वीरेन्द्रनगरमा फोर्स गाडी दुर्घटना हुँदा ६ जना घाइते

सुर्खेत । सुर्खेतको वीरेन्द्रनगरमा फोर्स गाडी दुर्घटना हुँदा ६ जना घाइते भएका छन् । वीरेन्द्रनगरबाट नेपालगंज जाँदै गरेको कर्णाली प्रदेश ०२००१ ख ०१०० नम्बरको फोर्स गाडी बिहीवार बिहान ९ बजेको समयमा वीरेन्द्रनगर नगरपालिका–११ सानोबिउरेनी नजिकै दुर्घटना हुँदा ६ जना यात्रु घाइते भएका हुन् ।

घाईतेहरूको सुर्खेत हस्पिटलमा उपचार भइरहेको र अवस्था सामान्य रहेको जिल्ला प्रहरी कार्यालय सुर्खेतले जनाएको छ । गाडी अनियन्त्रित भई नालामा पल्टिएको र घटनाको थप अनुसन्धान भइरहेको प्रहरीको भनाइ छ ।