सुर्खेत । विरेन्द्रनगरस्थित सुब्बाकुनाबाट लागूऔषधिसहित दुई जना पक्राउ परेका छन् । पक्राउ पर्नेमा गुरासँ गाउँपालिका-३ बस्ने बर्ष २७ को हरि खत्री र २२ को टोप्रेन्द्र शाही रहेका छन् । दाङबाट सुर्खेततर्फ आउँदै गरेका उनीहरुलाई प्रहरीले सुर्खेतको बीरेन्द्रनगर नगरपालिका-११ सुब्बाकुना चेक पोष्टबाट पक्राउ गरेको हो । हरि खत्री गाडी क १ ख १० न. को ट्रकको चालक हुन भने शाही सहचालक हुन् ।
नियमित चेकिङमा खटिएको प्रहरी टोली आशंका लागेपछि चेकजाँच गर्नेक्रममा उनीहरुको साथबाट १ पुडिया ब्राउन सुगर जस्तो देखिने खैरो धुलासहितको लागूऔषध फेला पारेको जिल्ला प्रहरी कार्यालय सुर्खेतले जनाएको छ । पक्राउ परेका दुबै जनालाई प्रहरीले थप अनुसन्धानका लागि जिल्ला प्रहरी कार्यालयमा राखेको छ ।
दर्शन खबर । १० भाद्र २०८०, आईतवार