सुर्खेत । जाजरकोट बारेकोट गाउँपालिका –६ का वडाध्यक्ष डम्बरबहादुर महतारालाई साउन ९ गते खुकुरी प्रहार गरी घाइते बनाएको आरोपमा दुईजना पक्राउ परेका छन् ।
बारेकोट– ६ का टेकेन्द्र नेपाली र अविनास विकलाई वडाध्यक्ष महतारालाई खुकुरी प्रहार गरेको आरोपमा प्रहरीले आज प्रक्राउ गरेको हो ।
उनीहरुलाई कुशे गाउँपालिका– ५ बाटुलेबाट पक्राउ गरिएको जाजरकोटका डिएसपी सन्तोष निरौलाले जानकारी दिए ।
घाइते वडाध्यक्ष महताराको टाउकामा सात टाँका लगाएर कोहलपुर मेडिकल कलेजमा उपचार भइरहेको छ ।
दर्शन खबर । १२ श्रावण २०७९, बिहीबार