सुर्खेत / कर्णाली प्रदेशस्तरीय युवा नवप्रवर्तन विचार प्रतियोगितामा दैलेखका राजेन्द्र अधिकारी प्रथम भएका छन् । राष्ट्रिय युवा परिषद्को वार्षिक कार्यक्रम अनुसार सामाजिक विकास मन्त्रालयले प्रतियोगिता आयोजना गरेको थियो ।
अधिकारी भगवतीमाई गाउँपालिका ४ तुर्सुका बासिन्दा हुन् । प्रतियोगितामा रुकुमपश्चिमका प्रकाश खड्का दोस्रो, सुर्खेतका प्रकाश खड्का तेस्रो र जाजरकोटका कर्मराज सिंह सान्त्वना भए ।
युवाका सोचहरूलाई व्यवसायिक रुपान्तरण र गर्ने उद्देश्यले हरेक वर्ष पालिका, जिल्ला, प्रदेश हुँदै केन्द्रसम्म यो कार्यक्रम आयोजना गरिन्छ ।
सातै प्रदेशबाट तीनजनाका दरले २१ जनाले केन्द्रीय स्तरको प्रतिस्पर्धामा सहभागी हुन पाउँछन् ।
दर्शन खबर । २० असार २०७९, सोमबार