नेपाली राष्ट्रिय फुटबल टिमको बन्द प्रशिक्षणमा बोलाइएका खेलाडीहरुलाई कोरोना संक्रमण भएको छ ।
मुख्य प्रशिक्षक अब्दुल्लाह अल्मुताइरीले बन्द प्रशिक्षणका लागि ३५ जना खेलाडी बोलाएका थिए ।
ए डिभिजन लिग खेलिरहेका खेलाडीहरुमा कोरोना संक्रमण पुष्टि भएको हो ।
बन्द प्रशिक्षणका लागि बोलाइएका खेलाडीहरुको पीसीआर परिक्षण गर्दा ७ जना खेलाडीमा कोरोना पुष्टि भएको जनाइएको छ ।
बन्द प्रशिक्षण आजदेखि शुरु भएको हो । नेपालले माघ १५ र १८ गते अफ्रिकी देश मौरिसससँग २ वटा मैत्रीपूर्ण खेलका लागि अभ्यास गरेको हो ।
खेलाडीसँग अफिसियलहरुलाई पनि कोरोना संक्रमण पुष्टि भएको बताए पनि नाम भने कसैको पनि सार्वजनिक गरिएको छैन ।
दर्शन खबर । ४ माघ २०७८, मंगलवार