जाजरकोट । शिवालय गाउँपालिका वडा नम्वर ६ को भवन निमार्णको काम सुरु भएको छ । शिवालय गाउँपालिका ६ को पोखरामा निर्माण हुने उक्त वडा कार्यालय भवनको बुधबार एक समारोहका बीच शिवालय गाउँपालिकाका अध्यक्ष शेर बहादुर शाहीले शिलन्यास गरेका हुन् । शिलन्यास समारोहमा बोल्दै अध्यक्ष शाहीले वडा कार्यालयको भवन निर्माण भएपछि सेवा प्रवाह झनै प्रभावकारी हुने बताएका छन् । अध्यक्ष शाहीले सेवाग्राहीको चाहाना अनुसार गाउँपालिकाले काम गरिरहेको भन्दै आगामी दिनमा पनि सेवाग्राहीकै चाहाना र लक्ष्य अनुसार काम गर्ने प्रतिबद्धता व्यक्त गरेका छन् । उनले भवन निर्माणका लागि गाउँपालिकाले चालु आर्थिक वर्षमा ११ लाख रुपैयाँ र आर्थिक बर्ष २०७७र०७८ मा ५ लाख गरी करीब १६ लाख बजेट विनियोजन गरेको जानकारी दिए । १६ लाख बजेटले फिल्ड, खाडल, पिल्लर र भौतिक सामाग्रीहरु खरिद गरीने छ । अध्यक्ष शाहीका अनुसार अहिले १६ लाख मात्रै बजेट विनियोजन गरीएको र बाँकी आवश्यक बजेट पनि थप गर्ने प्रतिवद्धता जनाएका छन् । यस्तै उपाध्यक्ष गिता शाहीले गाउँपालिकाले कानून निर्माणदेखि पूर्वाधार निर्माणसम्मका कामहरुलाई प्राथमिकताका आधारमा अगाडि बढाइरहेको बताईन् । उनले वडास्तरमा सेवाकेन्द्र सरहका सेवा प्रवाह गर्ने गरि तिनको व्यवस्थापनको काम भइरहेको बताउदै राजनीति स्वाःर्थ छाडेर गाउँपालिकाले गरिरहेको कामको चर्चा गरेकी थिईन् ।
भवन शिलन्यास समारोहमा उपप्रमुख गिता शाही, असिस्टेन सवइन्जिनियर हिमाल राना सहित वडाका जनप्रतिनिधि, राजनीतिक दलका नेताहरु, नागरिक अगुवाहरुको सहभागिता रहेको थियो । यो भवन एक तलाको हुने छ । जसमा चार कोठा, एक शौचालय, एक सभाहल र एक बाथरुम बन्नेगरि डिजाइन गरिएको असिस्टेन सवईन्जिनियर रानाले बताए । यस वडा भवन निर्माणको लागि २०७७ सालमा सम्झौता भएको थियो । सम्झौता भएको तिन वर्ष पुग्न लागिसक्दा पनि भवन निर्माण हुन सकेको थिएन् । सम्झौता भएको मितिदेखि नै उपयुक्त जग्गा नहुँदा भवन निर्माणमा ढिलाई भएको निर्माण उपभोक्ता समितिका अध्यक्ष दिपेन्द्र थापाले जानकारी दिए । भवनको लागि जनताले उपयुक्त स्थान छनौट गर्छन होला भन्ने हेतुले पटकपटक काम रोक्दै आइरहेको भएपनी जग्गाको लागि आजसम्म कुनै पहलकदमी नभएपछी र पालिका सरकार वडा सरकार बाट भवन बनाउनुपर्ने भन्ने आदेश आएपछी पोखरामा भवन निर्माण कार्य शुरु भएको समितिका अध्यक्ष थापाले बताए । भवन निर्माणका लागि हाल सम्म २ पटक भन्दा वढि म्याद थप गरीएको छ । गत आर्थिक वर्षका मात्रै करीब १० लाख बराबरको बजेट फ्रिज भएको थापाले बताए । भवन निर्माणको लागि शिवालय गाउँपालिका वडा नम्बर ६ का स्थानियहरुले साढे ११ रोपनी जग्गा उपलब्ध गराएका हुन् ।
तस्विरहरु
दर्शन खबर । ४ माघ २०७९, बुधबार