चितवन । भरतपुर महानगरपालिकाकी मेयर रेनु दाहाल सवार गाडी दुर्घटनामा परेको छ । उनी सवार गाडी शुक्रबार दिउँसो ललितपुरको जावलाखेलस्थित स्टाफ कलेज नजिकै दुर्घटना भएको प्रहरीले जानकारी दिएको छ ।
प्रहरीका अनुसार उनी सवार गाडी गुडिरहेको बेला अचानक टायर पन्चर भएपछि पोलमा ठोक्किन पुगेको थियो ।
गाडी पोलमा ठोक्किँदा दाहालको टाउकोमा चोट लागेर घाइते भएकी उनलाई सुमेरु अस्पतालमा लागिएको र टाउकोमा टाँका लगाइएको प्रहरीले जनाएको छ । अहिले उनको अवस्था भने खतरामुक्त रहेको प्रहरीले बताएको छ ।
दर्शन खबर । १३ जेष्ठ २०७९, शुक्रबार